БИО-АНАГААХЫН СУРГУУЛИЙН 20 ЖИЛИЙН ОЙД ЗОРИУЛСАН ЭРДЭМ ШИНЖИЛГЭЭНИЙ ХУРЛЫН ЗАР
Эрхэм хүндэт эрдэмтэн багш, судлаачид та бүгдэд энэ өдрийн мэндийг хүргэе.
АШУҮИС-ийн Био-Анагаахын сургууль байгуулагдсаны 20 жилийн ойг 2023 оны 10 дугаар сарын 26, 27-ны өдрүүдэд тэмдэглэн өнгөрүүлэхээр төлөвлөж байна.
Уг ойн арга хэмжээний хүрээнд био-анагаах судлаач, эрүүл мэндийн мэдээллийн технологич мэргэжлээр төгсөгчдийн “ЭРДЭМ ШИНЖИЛГЭЭНИЙ ХУРАЛ”-ыг 2023 оны 10 дугаар сарын 26-ны өдөр зохион байгуулна.
Иймд био-анагаах судлаач, эрүүл мэндийн мэдээллийн технологич мэргэжлээр төгсөгчид та бүхэн өөрийн судалгааны ажлын хураангуйг 2023 оны 10 сарын 15-ны өдрийн 17:00 цаг хүртэл bioconference@mnums.edu.mn цахим хаягаар илгээнэ үү.
Та бүхний ирүүлсэн бүтээлээр хурлын эмхэтгэл хэвлэх ба сонгогдсон судалгааны ажлыг тус эрдэм шинжилгээний хуралд хэлэлцүүлнэ.
Хурлын удирдамж, хураангуй бичих зааврыг хавсралтаар илгээж байна.
Зохион байгуулагч:
Био-Анагаахын сургууль
Био-Анагаахын хүрээлэн
